Монголын Хөдрөг ба Гар урлалын их наадам 2025 оны 8 дугаар сарын 23-30-ны өдрүүдэд Г.Занабазарын нэрэмжит Дүрслэх урлагийн музейд 3 дахь жилдээ зохион байгуулагдаж байна. Тус үзэсгэлэнд хөдрөг, зүймэл урлал, эсгий урлал, сүлжмэл урлал, хүүхэлдэй урлал зэрэг гар урлалын 40 орчим урлаачдын 200 гаруй урлалын бүтээлүүд 8-н өдрийн турш танд хүрэх болно. Энэхүү арга хэмжээг ерөнхий зохион байгуулагч Хэрэглээний урлал НҮТББ, хамтран зохион байгуулагч Г.Занабазарын нэрэмжит Дүрслэх урлагийн музейн хамт олон ажиллаж байна.

Энэхүү арга хэмжээний гол зорилго нь Монгол улс нь гар урлалын язгуур улс болохын хувьд өөрийн орны уламжлалт язгуур гар урлал, тэр дундаа хөдрөг, зүймэл болон бусад урлалыг түгээн дэлгэрүүлэх, хөгжүүлэх, сурталчлах бусад орны шилдэг гар урлаачдын уран бүтээлтэй танилцаж туршлага судлах, цаашид хамтран ажиллах олон арга хэмжээнүүдийн эхлэлийг тавих, харилцан сургалт судалгаа явуулах нөхцөл боломжуудыг бий болгоход оршино.

Наадмын ивээн тэтгэгч, гар урлалын шинэ үеийн хөгжилд үнэ цэнтэй хувь нэмэр оруулагч, НОМАДИК КОНТЕНТ ХХК, ТАВАН НҮДЭН БРЭНД,  МАЙТЕЧ ХХК –н хамт олонд гүн талархлаа илэрхийлж байна.

Наадмыг дэмжин ажиллаж өөрсдийн бараа бүтээгдэхүүн үйлчилгээгээрээ шагналт байруудыг ивээн тэтгэж байгаа, MyJewelry брэнд, Төхөм урлан, BEENTEE.NET гар урлалын цахим дэлгүүр,  Easy брэнд сүлжмэлийн дэлгүүрийн хамт олондоо чин сэтгэлээсээ баяр хүргэж талархал илэрхийлж байна.

Та тус арга хэмжээнд хүрэлцэн ирснээр:

– Урлагийн үзүүлбэр

– Өнөө цагийн шилдэг урлаачдын дахин давтагдашгүй гар урлалын болон урлагийн бүтээлүүд,

– Гар урлал, урлаг дизайн, хувийн санхүү татварын талаар илтгэл, зөвлөгөө өгөх эрдэмтэн, дизайнер, мэргэжлийн экспертүүдтэй биечлэн уулзаж,

– Ахмад урлаачидтайгаа уулзаж хууч хөөрөн туршлага судалж,

– Олон жилийн туршлагатай гар урлаач мастер багш нарын сургалтууд

– Дахин давтагдашгүй хийц загвар бүхий төрөл бүрийн гар урлалын үзэсгэлэн худалдаагаар үйлчлүүлэх боломжтой.